გილოცავთ ახალ წელს!

ჩვენი ბლოგი უკვე რამდენიმე თვეა არსებობს და საკმაოდ კარგი რეიტინგიც აქვს. დიდი მადლობა მინდა გადაგიხადოთ ყველას ვინც 6 თვის განმავლობაში ჩვენს საიტს ათვალიერებდა. ბედნიერ 2011 წელს გისურვებთ ყველას!

2010 წლის TOP-10 ქართველი ქალი!

ბლოგზე www.georgianwomen.blogspot.com თვის განმავლობაში ჩვენს ბლოგზე მიმდინარეობდა გამოკითხვა ქართველი ქალების TOP-10ის გამოსავლენად. გამოკითხვაში მონაწილეობა 1168 ადამიანმა მიიღო და მათი გადაწყვეტილება ასეთია:

1 ადგილი- სოფო ნიჟარაძე (43%)
2 ადგილი- ქეთი მელუა (7%)
3 ადგილი- ნანკა კალატოზიშვილი (5%)
4 ადგილი- შორენა ბეგაშვილი (5%)
5 ადგილი- ანუკა არეშიძე (5%)
6 ადგილი- სალომე ღვინიაშვილი (4%)
7 ადგილი- ქრისტინე ძიძიგური (4%)
8 ადგილი- თიკა ფაცაცია (4%)
9 ადგილი- ნუკი კოშკელიშვილი (2%)
10 ადგილი- გვანცა დარასელია (2%)




ბლოგის ადმინისტრაციამ ჩაატარა გამოკითხვა FORUM.GE-ზე, რომლის შედეგებიც ასეთია:

1 ადგილი- შორენა ბეგაშვილი
2 ადგილი- ნანკა კალატოზიშვილი
3 ადგილი- თიკა ფაცაცია
4 ადგილი- მანიკა ასათიანი
5 ადგილი- ნუკი კოშკელიშვილი
6 ადგილი- ქეთი მელუა
7 ადგილი- ნინი ბადურაშვილი
8 ადგილი- ანი იმნაძე
9 ადგილი- ქრისტინე ძიძიგური
10 ადგილი- სოფია მაიერი

ხოლო ბლოგის ადმინისტრაციამ წარმოადგინა 5 საკუთარი რჩეული გოგო:

1 ადგილი- შორენა ბეგაშვილი
2 ადგილი- მარიტა ჯანაშია
3 ადგილი- ანი იმნაძე
4 ადგილი- ნანუკა გოგიჩაიშვილი
5 ადგილი- სოფია მაიერი

მის სამყარო 2010-ზე საქართველოს ეკა ღურწკაია წარადგენს!

2011 წელს რიგით მე-60 მის სამყაროს ფინალური შოუ 12 სექტემბერს ბრაზილიაში გაიმართება. ამ კონკურსში ყოველწლიურად 60-ზე მეტი ქვეყნის წარმომადგენელი იღებს მონაწილეობას. 2011 წელს სქართველოს მის სამყარო 2011-ზე წარადგენს ეკა ღურწკაია. შეგახსენებთ რომ მის სამყარო 2010-ზე საქართველოს სახელით მონაწილეობას იღებდა ნანუკა გოგიჩაიშვილი, რომელიც TOP-25 გოგონას შორის მოხვდა და ყველაზე კარგად მომზადებულ კანდიდატადაც აღიარეს, მათ შორის ვინც მის სამყაროზე საქართველოს სახელით გასულა. ერთად ვუგულშემატკივროდ ეკას მს სამყაროზე და წარმატებები ვუსურვოთ. ჩვენი ბლოგი კი აქტიურად მოგაწვდით სიახლეებს.

დონალ ტრამპი ნანა გოგიჩაიშვილითა და ნათია ბანძელაძით მოიხიბლა

ამერიკელ მილიარდელი დონალ ტრამპი ვიცე-მის საქართველოთი და პრეზიდენტის პრესმდივნით მოიხიბლა.

ამის შესახებ ტრამპმა საქართველოს პრეზიდენტთან შეხვედრისას ჟურნალი "MOU"-ში დაბეჭდილ მის სამყაროს მონაწილეთა ფოტოებზე, კერძოდ ნანა გოგიჩაიშვილის ფოტოზე გაამახვილა ყურადღება.

"მის სამყაროს მონაწილებს შორის ქართველი გოგოც არის. ძალიან ლამაზია", - აღნიშნა დონალ ტრამპმა.

აღნიშნულთან დაკავშირებით, მიხეილ სააკაშვილმა განაცხადა, რომ ნანა გოგიჩაიშვილი მისი პრესმდივნის ნათია ბანძელაძის შვილია.

"შეუძლებელია თქვენ 20 წლის შვილი გყავდეთ. ძალიან ლამაზად გამოიყურებით. რატომ თქვენ არ მიიღებთ კონკურსში მონაწილეობას?!", - მიმართა ამერიკელმა მილიარდელმა ნათია ბანძელაძეს.

შეხვედრის დასულების შემდეგ დონალ ტრამპმა ნათია ბაძელაძესთან სამახსოვრო ფოტი გადაიღო.

სექსუალური ქალის ტიტულმა ნანუკა გოგიჩაიშვილი შოკში ჩააგდო

"მის სამყაროს ამ მონაწილეს შეეძლო, სამხრეთ ოსეთში ომი შეეჩერებინა", – ასე დაახასიათა ამერიკულმა მამაკაცურმა ჟურნალმა "ესქუაიერმა" ნანუკა გოგიჩაიშვილი, "ვიცე მის საქართველო". ის პირველი ქართველი გოგონაა, რომელიც ამ ჟურნალის მიერ დასახელებული, დედამიწის ყველაზე სექსუალური ქალების სიაში მოხვდა. ჟურნალის რედაქციამ მსოფლიოს სხვადასხვა ქვეყნიდან თითო წარმომადგენელი შეარჩია, "დედამიწის სექსუალურ ქალთა ატლასში" 192 ქვეყნის წარმომადგენელი შევიდა, მათ შორის – საფრანგეთის პირველი ლედი კარლა ბრუნი; მსახიობები – ნატალი პორტმანი, მონიკა ბელუჩი, ქვეყნების პირველი პირები, სპორტსმენები...

ნანუკა გოგიჩაიშვილი "მის სამყაროს" კონკურსში მონაწილეობის შემდეგ, რომელიც ლას ვეგასში ჩატარდა, ამერიკაში დარჩა. ის ჯერჯერობით ნიუ იორკშია და ცდილობს, თავისი გარეგნული მონაცემები სამოდელო ბიზნესში გამოიყენოს. კასტინგებზე რეგულარულად დადის და სერიოზული კონკურსისთვის ემზადება, მაგრამ ჯერ არ ამხელს, რა კონკურსია. "სარკე" ნანუკას ნიუ იორკში ესაუბრა.

– ნანუკა, როგორ შეიცვალა თქვენი ცხოვრება "მის სამყაროს" შემდეგ?

– საკმაოდ დიდი დრო მქონდა, რომ ჩემი თავი კონკურსის შემდგომი ეტაპისთვის მომემზადებინა. მინდოდა, ამერიკაში ყოფნა მაქსიმალურად გამომეყენებინა და, მგონი, ამას ვახერხებ კიდეც. როცა რაღაცას დიდი მონდომებითა და შემართებით აკეთებ, ის აუცილებლად გამოიღებს შედეგს.

– ახლა რითი ხართ დაკავებული?

– კონკურსის დამთავრების შემდეგ ნიუ იორკში ჩავედი. თავიდან მხოლოდ ტურისტული გეგმები მქონდა. მინდოდა, ეს ქალაქი დამეთვალიერებინა. ახლაც თავს ტურისტად ვთვლი, მაგრამ ამ ქალაქში მართლაც უამრავი შანსია, რომ საკუთარი თავი წარმოაჩინო. ყველა მეკითხებოდა, რატომ არ ვცდილობდი, კასტინგებზე მევლო. მერე მეც გამიჩნდა ინტერესი. ახლა ერთი მნიშვნელოვანი კონკურსისთვის ვემზადები. ამაზე წინასწარ არ მინდა ლაპარაკი, მაგრამ ყველაფერს გავაკეთებ, რომ წარმატებას მივაღწიო.

– როგორ მოგწონთ ამერიკული ცხოვრების სტილი?

– ძალიან მომწონს ნიუ იორკი. ამ ქალაქის ტემპსა და ხმაურზე ვგიჟდები. ეს არის ადგილი, სადაც სიამოვნებით ვიცხოვრებდი, თუმცა ნოსტალგია მაინც მაწუხებს. მივხვდი, რა ძნელია შენი ქვეყნიდან შორს ცხოვრება. აქედან უფრო მეტად ვაფასებ საქართველოს და ყველაფერ ქართულს.

– როგორ მოხვდით მსოფლიოს ყველაზე სექსუალური ქალების სიაში?

– ჟურნალ "ესქუაიერმა" შეადგინა ქალების სია, რომლებიც თავიანთ ქვეყნებში გამორჩეულები არიან. როცა გავიგე, რომ მსოფლიოს სექსუალური და ლამაზი ქალების სიაში შემიყვანეს, არ დავიჯერე, თავი ზღაპარში მეგონა. ამ ტიტულმა შოკში ჩამაგდო, მაგრამ ამასთანავე უფრო გამაძლიერა, საკუთარი თავისადმი რწმენა შემმატა.

– რას ნიშნავს, იყო სექსუალური ქალი?

– სექსუალური ქალის ტიტულს ამ შემთხვევაში ნაკლებ ყურადღებას ვაქცევ. თუმცა აღიარება და ის ფაქტი, რომ მსოფლიოს საუკეთესო ქალებს შორის მოხვდები, ძალიან სასიამოვნოა. პირველობა ყოველთვის კარგია.

– რას მიიჩნევთ საკუთარ გარეგნობაში ყველაზე მიმზიდველად?

– ადამიანის სილამაზეს მთლიანობაში ვაფასებ. საკუთარ თავზე არაფერს ვიტყვი. ერთმა წარმატებულმა ფოტოგრაფმა ასე დამახასიათა – არის რაღაც შენში ეგზოტიკური, რომელიც ხალხს ატყვევებს, კამერას უყვარხარო. ამ სიტყვებს ვერასოდეს დავივიწყებ. ეს ჩემთვის ყველაზე დიდი კომპლიმენტი იყო.


"Sarke"

ნანუკა გოგიჩაიშვილი „მის სამყაროს“ ექსკლუზიური დეტალებით

23 აგვისტოს, ლას-ვეგასში „მის სამყარო 2010“-ის ფინალური შოუ ჩატარდა. კონკურსში 83 ქვეყანა მონაწილეობდა. კონკურსანტები ნაციონალურ კოსტიუმებში, საღამოს კაბებში და საცურაო კოსტიუმებში გამოვიდნენ. დასახელდა ტოპ-15, ტოპ-10 და ტოპ-5-ეული. „მის სამყარო 2010“ მექსიკელი ხიმენა ნავარეტი გახდა.

ტოპ-15 გოგონაში ვერ მოხვდა საქართველოს წარმომადგენელი, ნანუკა გოგიჩაიშვილი, მაგრამ ის დასახელდა საუკეთესო 25 გოგონას შორის. ნანუკას საღამოს კაბა, წინასწარ გამართულ კონკურსში მესამე ადგილას მოხვდა. ასევე აღიარეს, რომ ის ყველაზე კარგად მომზადებული კანდიდატი იყო მათ შორის, ვინც საქართველოს სახელით საერთაშორისო კონკურსზე გასულა.

„პრაიმტაიმი“ ნანუკას ამერიკაში დაუკავშირდა.

„გაშიშვლებას არ დავთანხმდი“

„უბედნიერესი ვარ, რადგან სერიოზულ გუნდთან და პროფესიონალებთან მომიწია მუშაობა. ისინი ამერიკაში ყველაზე წარმატებულ ვარსკვლავებთან თუ კომპანიებთან თანამშრომლობენ. ქალი, რომელიც სიარულს გვასწავლიდა ნაომი კემპბელის მასწავლებელი იყო. ჩემთვის, როგორც მოდელისთვის, აქ ყოფნა დიდი გამოცდილებაა. ფოტოსესიაც საკმაოდ ცნობილ ფოტოგრაფთან, ფადისთან გვქონდა. მისგან კომპლიმენტიც მივიღე -კამერის წინ ასე თავისუფალი და თავდაჯერებული გოგონები ბევრი არ გვყავსო. მკითხა, საიდან ვიყავი. მერე რამდენიმე მის რჩეულ მოდელს - შიშველი ფოტოების გადაღება შესთავაზა. მათ შორის მეც. პორტფოლიოს გამდიდრება ასეთი ცნობილი ფოტოგრაფის ნამუშევრით, მართლაც შანსია. მე არ დავთანხმდი. თუმცა მასთან მუშაობის ბედნიერება მქონდა...“

„სიაში არ ვიყავი“

„მის სამყაროზე“ 83 მონაწილე ვიყავით. ბევრი რამ გვქონდა აკრძალული. იყო წესები, რომელსაც უსიტყვოდ უნდა დავმორჩილებოდით. შორიდან მაინც იდეალურად ჩანს ყველაფერი. ჩავედით თუ არა, შედგა სიები, რომლებშიც გარკვეული ქვეყნების მისები შედიოდნენ. მათზე იყო გათვლილი ღირსშესანიშნავი ადგილების მონახულება, ინტერვიუების ჩაწერა... ისინი სხვებზე ბევრად დაკავებულები იყვნენ. მათ შორის საქართველო არ ყოფილა. წარმომადგენელი გოგო შეიძლება დიდი არაფერი ყოფილიყო, მაგრამ, რადგან ცნობილი ქვეყნიდან იყო, მას წერდნენ ჟურნალისტები.“

ჟიური და კონკურენტები

„ჟიური საერთოდ გაუგებარი თემაა. ბოლო სამი დღე სხვადასხვა შემადგენლობით იჯდა. ჩემი პირველი ინტერვიუ ძალიან მოეწონათ. ტაში დამიკრეს, საოცარი საშუალებების ადამიანი ყოფილხარ, მადლობა ასეთი პასუხებისთვის, „მომხიბვლელო გეორგია“, ასე გააგრძელეო. 25 გოგონაში მოხვედრა ძალიან მიხარია, რადგან ძლიერი კონკურენტები მყავდა.“

ჩაწყობა

„ყოველთვის ყველა ამბობს, რომ კონკურსებში ჩაწყობა ხდება. თუმცა, იმასაც ამბობენ, ამ დონის კონკურსი როცა ეწყობა, იქ ჩაწყობა არ „მოსულაო“, არ ვიცი, ვერაფერს ვიტყვი. „მექსიკამ“ რომ გაიმარჯვა, კულისებში ყველა ერთად გავედით, გოგონა იმდენად არაკომუნიკაბელური იყო, რომ ხმის ტემბრითაც კი ვერ გავიხსენეთ. სულ თავისთვის იყო...“

პლასტიკური ოპერაციებით დახუნძლული

„ეს არის კონკურსი, სადაც 100%-ით ყველას პლასტიკური ოპერაცია აქვს გაკეთებული. მათი შეხედულებით, ქალი რაც უფრო ლამაზია, მით მეტი ოპერაცია სჭირდება. ამ კონკურსისთვის გოგონები წლებით ადრე ემზადებიან. თუ ტოპ 5 -ში მოხვედრა სურთ, მაშინ, პლასტიკური ოპერაციების მხრივ, დიდი სამზადისი აქვთ. კონკურსზე ვნახე, გოგონებს პლასტიკური ოპერაციები ბლომად ჰქონდათ გაკეთებული, იარებს არც მალავდნენ და ხუმრობით ყვებოდნენ ხოლმე ისტორიებს. ოპერაციებით თავს იწონებდნენ.“

3 ბიჭის ისტორია

„კონკურსის დამთავრების შემდეგ უამრავი ხალხი გველოდებოდა. მომცვივდნენ, გულზე „გეორგიას“ ლენტი აღარ მეკეთა, უკვე ჩვეულებრივი ადამიანი ვიყავი. თავიანთ ბავშვებს მაჭერინებდნენ და ფოტოებს იღებდნენ, მეხუტებოდნენ, კითხვებს მისვამდნენ, ყველას უნდოდა შემხებოდა. ოთახის კართან სათამაშოები დამხვდა, 3 ბიჭი იდგა საქართველოს დროშით ხელში. ამ ფაქტმა ძალიან იმოქმედა. სად იპოვეთ-მეთქი, ვკითხე და ჩვენ თვითონვე დავხატეთო. ეს არასდროს დამავიწყდება. ეს იყო კონკურსი, რომელიც ყველაზე თანამედროვე და ცნობილია. ამის იქით რა კონკურსი უნდა იყოს, არ ვიცი.“

"prime time"